Qadın gülərsə şu ıssız mühitimiz
güləcək,
Sürüklənən bəşəriyyət qadınla
yüksələcək!
Hüseyn Cavid.
Ulu Öndər Heydər Əliyevin böyük önəm verdiyi məsələlərdən biri də gender siyasəti idi. Məhz həmin siyasətin nəticəsi olaraq, bu gün respublikamızın nazirlik, komitə, idarə, müəssisə və təşkilatlarında xeyli sayda qadın çalışır. Tutduqları vəzifədən asılı olmayaraq, onlar öz vəzifə borclarına məsuliyyətlə yanaşır, ümumi işimizə çox böyük kömək göstərirlər.
Ölkəmizin dilbər guşələrindən sayılan Qəbələ rayonunun ictimai, mədəni və sosial həyatında da fəal mövqe tutan qadınlarımız çoxdur. Bu yazıda sizə, onlardan biri - Azərbaycan Qızıl Aypara Cəmiyyəti Qəbələ rayon bölməsinin sədri, ömrünün böyük bir hissəsini rayonun təhsil, ictimai və mədəni həyatına həsr etmiş Sədaqət Bayramova haqqında söhbət açacağıq. Gəlin, qısaca da olsa, onun keçdiyi ömür yoluna nəzər salaq.
Sədaqət Bayramova 1954-cü il dekabrın 5-də Qəbələ şəhərində həkim ailəsində anadan olub. Orta təhsilini Qəbələ şəhər 1 saylı orta məktəbində başa vurub, indiki Bakı Slavyan Universitetinə daxil olub. 1975-ci ildə universiteti bitirdikdən sonra Qəbələ şəhər 1 saylı orta məktəbində rus dili müəllimi kimi əmək fəaliyyətinə başlayıb. Həmişə məktəbin şərəfini, müəllim adının ləyaqətini gözləyən, şagirdlərinin uğurlarına sevinən pedaqoq olub.
O, ixtisasca rus dili və ədəbiyyatı müəllimi olsa da, ömür boyu ana dilimizə ürəyində dünya boyda məhəbbət gəzdirib. Bu məhəbbət onu yaşadıb, ucalardan-uca edib. Onun istər orta məktəbdə, istərsə də rayon tədbirlərində xitabət kürsüsündən söylədiyi məruzələr həmişə maraqla, alqışlarla qarşılanıb.
Savadlı müəllim, pedaqoq, bacarıqlı təşkilatçı olmaqla yanaşı, həm də gözəl tərcüməçidir. Sədaqət Bayramovanın Azərbaycan dilindən rus dilinə, rus dilindən də Azərbaycan dilinə çevirdiyi tərcümələr səlis səslənir.
1976-cı ildə 22 yaşlı gənc müəllim Sədaqət Bayramova bacarıqlı təşkilatçı, obyektiv, mənəviyyatca təmiz bir kadr kimi Qəbələ Rayon Komsomol Komitəsinin təşkilat şöbəsinin müdiri vəzifəsinə təyin edilir. O, buna razılıq verir. 1977-ci ildə onu rayon komsomol komitəsinin ikinci katibi, 1979-cu ildə isə birinci katibi vəzifəsinə irəli çəkilir.
Sədaqət Bayramova 1984-cü ildə Qəbələ Rayon Partiya Komitəsinə bölmə müdiri, 1987-ci ildə ideoloji şöbənin müdiri, bir il sonra isə II katibi vəzifəsinə təyin olunur. 1991-ci ildə o, Qəbələ Əhalinin Sosial Müdafiəsi Mərkəzinin direktoru təyin edilir. 2001-ci ilədək o, bu vəzifədə çalışır. 2001-ci ildən isə o, 2 il ərzində respublikanın Əmək və Əhalinin Sosial Müdafiəsi Nazirliyində işləyib.
Sədaqət xanım 2009-cu ildən Azərbaycan Qızıl Aypara Cəmiyyəti Qəbələ rayon bölməsinin sədri vəzifəsində çalışır. Bu gün Qəbələ rayonundakı şəhid ailələrinə, qazilərə, tənha qocalara, habelə Daun sindromlu uşaqlara yardım göstərilməsində, onlara mənəvi dayaq olmaqda rayonun bir sıra idarə, müəssisə və təşkilatları sırasında Sədaqət Bayramovanın rəhbərlik etdiyi Qızıl Aypara Cəmiyyəti Qəbələ rayon bölməsinin də xüsusi yeri var.
Şəxsiyyət kimi də çox yüksək mədəniyyətə, təmiz əqidəyə, zəngin mənəviyyata malik bir insandır. Sədaqət xanım işlədiyi illər ərzində o, haqqın, ədalətin tərəfində dayanmış, vətəndaşlara hörmətlə yanaşmış, vəzifə borcunu həmişə ləyaqətlə yerinə yetirmişdir.
Sədaqət xanımın rayonun orta məktəb şagirdləri ilə də tez-tez görüşləri keçirilir. O, bu görüşlərdə gənclərimizin ideya baxımdan mətin, yetkin, əsl azərbaycançılıq məfkurəsində, vətənpərvərlik ruhunda formalaşması üçün maraqlı söhbətlər aparır. Bu gün o, məktəblərimizdə, rayon tədbirlərində, mərasimlərdə yolu ən çox gözlənilən, sözünə, söhbətinə, tövsiyələrinə ehtiyac duyulan xanımlarımızdandır.
Sədaqət Bayramova uzun illər YAP Qəbələ rayon
