Aprelin 29-da ADA Universitetində beynəlxalq konfransın keçirilməsindən 1 il ötür
"Əgər sülh müqaviləsi imzalanarsa və həmin təməl prinsiplər həyata keçərsə, onda Qafqazda sülh uzunmüddətli və dayanıqlı olacaq". Bu fikri Azərbaycan Prezidenti İlham Əliyev 2022-ci il aprelin 29-da ADA Universitetində keçirilən "Cənubi Qafqaz: İnkişaf və əməkdaşlıq" adlı konfransdakı çıxışında səsləndirib.
Ümumiyyətlə, ötən il ölkəmizin həyatında bir sıra siyasi, iqtisadi islahatlarla yanaşı, həm də Qarabağda sülhün bərpası istiqamətində ciddi addımlar atılıb. Keçən ilin ən mühüm hadisələrindən biri tədbir iştirakçılarının işğaldan azad olunmuş ərazilərimizə səfəri olub. Tarixi dədə-baba torpaqlarımızın gözəlliyini seyr etməklə, eyni zamanda Şuşaya aparan yol boyunca və Şuşanın özündə gördükləri dağıntılar 30 illik işğal ərzində çəkdiyimiz əziyyətlərin nümayişi idi. Həmin dağıntılar Ermənistanın törətdiyi barbarlığın, vandalizmin açıq nümunəsidir. Kəndlərimizin əksəriyyəti darmadağın edilib, yandırılıb və yararsız hala gətirilib. Bəzi rayonlarda, əsasən Kəlbəcər, Laçın və qismən Zəngilan və Şuşada Ermənistan hökumətinin sponsorluğu ilə qeyri-qanuni məskunlaşma siyasəti həyata keçirilib. Bu, beynəlxalq konvensiyaların kobud şəkildə pozulması deməkdir.
Hazırda 2 ildən çoxdur ki, Qarabağ bölgəsində yenidənqurma və bərpa işləri sürətlə davam edir. Qarabağın ən qısa zamanda dirçəldilməsi nəzərdə tutulub və buna əsasən də planlar qurulub. Bütün nəzərdə tutulan genişmiqyaslı plan və layihələr öz vəsaitimiz hesabına icra edilir. Əlbəttə, bəzi icra işlərində beynəlxalq şirkətlərin də bizə dəstəkləri var. Beynəlxalq təşkilatlarla əməkdaşlıq bir çox aspektdən mühüm əhəmiyyət kəsb edir. Burada əsas məqsədlərdən biri də beynəlxalq ictimaiyyət və aparıcı beynəlxalq təşkilatlara regionda formalaşmış yeni reallıqları qəbul etdirməkdən ibarətdir. Elə belə də oldu.
Konfransda Prezident İlham Əliyev sülhlə bağlı mühüm çıxışlar da etmişdi: "Nəhayət, biz bu yaxınlarda Ermənistandan müsbət cavab aldıq. Onların hökuməti Azərbaycanın irəli sürdüyü 5 təməl prinsipi qəbul etdi. Bu prinsiplər Ermənistanla sülh müqaviləsinin əsasını təşkil etməlidir. Həmçinin Azərbaycanın təklifinə uyğun olaraq, Ermənistan sərhədlərimizin delimitasiya prosesinə başlamaq üçün Azərbaycanla birgə işçi qrupunun yaradılmasına, nəhayət, razılıq verib. Fikrimcə, bunlar son hadisələrin mühüm təzahürüdür və onlar, həmçinin göstərir ki, hazırda, İkinci Qarabağ müharibəsindən ilyarım keçdikdən sonra Ermənistan rəhbərliyi və ümid edirəm ki, onun əhalisi sülhün zəruriliyini anlayır. Əgər sülh müqaviləsi imzalanarsa və həmin təməl prinsiplər həyata keçərsə, onda Qafqazda sülh uzunmüddətli və dayanıqlı olacaq. Niyyətimiz budur. Hesab edirəm ki, nümayiş etdirdiyimiz və elan etdiyimiz addımlar Qafqazda sülhə töhfə vermək üçün iradəmizin bariz nümunəsidir". Lakin bunlara baxmayaraq, Ermənistan hakimiyyəti öz çirkin əməllərindən əl çəkmir. Mütəmadi şəkildə törədilən təxribat və terror aktları erməni tərəfinin riyakarlığını sübut edir. Verilən vədlər, atılan addımlara baxmayaraq, sərhəddə durmadan təxribat törətməyə davam edirlər. Bu da sülhü gecikdirən ən böyük amillərdəndir. Buna görə də Qafqazda böyük sülhün tək maneəsi elə Ermənistan özüdür.
Əlbəttə, bizim üçün ən önəmli məqsədlərdən biri də elə Qafqazda yeni eranı, sülh və əməkdaşlıq erasını fəal şəkildə təşviq etməkdir. Hazırda ölkəmiz Qafqazda sülh gündəliyini təşviq edir. Prezident İlham Əliyev də qeyd edib ki, bütün istiqamətlərdə təşəbbüs bizim əlimizdədir. Həmin təşəbbüslər əlbəttə ki, sülhə xidmət edir.
Ermənistan Cənubi Qafqaz bölgəsində təcrid olunmuş ada kimi yaşamaqdan xilas olmalı, bizimlə münasibəti normallaşdırmalı, ərazi iddialarına son qoymalı və Cənubi Qafqazda üçtərəfli səviyyədə hər hansı qarşılıqlı təmasdan çəkinməməlidir. Lakin atılan addımlara baxmayaraq, Ermənistan danışıqlar yolunu rədd edir. Hayastan unutmamalıdır ki, Cənubi Qafqaz inteqrasiya edilmiş təhlükəsizlik və əməkdaşlıq, eləcə də rifah məkanı olmalıdır. Prezident İlham Əliyev bildirib ki, Ermənistan əgər sü
