"Oilprice": Azərbaycanda ilk böyük Günəş Elektrik Stansiyası qurulur
"Oilprice" xəbər saytı ölkənin ilk böyük Günəş Elektrik Stansiyası olan 230 MVt gücündəki Qaradağ zavodunda günəş panellərinin quraşdırılmasına başlanması barədə məlumat yayıb. Birləşmiş Ərəb Əmirliklərinin bərpaolunan enerji şirkəti Masdar tərəfindən inşa olunan zavodun bu ilin sonuna kimi fəaliyyətə başlaması və ildə 500 qiqavat saat (GWh) enerji istehsal etməsi gözlənilir.
Azərbaycan 2030-cu ilə qədər ölkənin enerji tələbatının 30 faizini bərpaolunan enerji mənbələrindən ödəmək məqsədilə bu istiqamətdə yeni enerji layihələrin inkişafını sürətləndirir. Ölkəmiz bərpaolunan enerji potensialını inkişaf etdirməklə təbii qaza olan asılılığını azaltmağı planlaşdırır.
"Hürriyyet": Azərbaycanın kənd təsərrüfatı naziri türkiyəli həmkarı İbrahim Yumaklı ilə görüşüb
Türkiyənin məşhur qəzeti "Hürriyyet" Azərbaycanın kənd təsərrüfatı naziri Məcnun Məmmədovun türkiyəli həmkarı İbrahim Yumaklı ilə görüşü barədə məlumat dərc edib. Məlumatda görüş zamanı tərəflər arasında iki ölkənin kənd təsərrüfatı sahəsində əməkdaşlığın mövcud vəziyyəti və genişləndirilməsi barədə müzakirələrin aparıldığı qeyd olunub. Nazir Məcnun Məmmədov qardaş ölkənin bütün sahələrdə olduğu kimi, kənd təsərrüfatı sahəsində də Azərbaycanın etibarlı tərəfdaşı olduğunu bildirib. Hər iki dövlətin aqrar sahədə tədqiqatlar, təhsil, pambıqçılıq, toxumçuluq, baytarlıq, aqrar sığorta və digər sahələr üzrə səmərəli əməkdaşlığı da yazıda öz əksini tapıb. Görüşün sonunda "Azərbaycan Respublikasının Kənd Təsərrüfatı Nazirliyi ilə Türkiyə Respublikasının Kənd Təsərrüfatı və Meşə Nazirliyi arasında kənd təsərrüfatı infrastrukturu və ərazilərin qiymətləndirilməsi məsələləri üzrə əməkdaşlıq haqqında" Niyyət Bəyannaməsinin imzalandığı da bildirilib. Bəyannamədə Türkiyədə həyata keçirilən kənd təsərrüfatı infrastrukturu və ərazilərin qiymətləndirilməsi fəaliyyətlərinin Azərbaycan Respublikasında tətbiqi imkanlarının araşdırılması və təcrübə mübadiləsi aparmaq niyyəti də öz əksini tapıb. Bu sahədə fəaliyyətlərin səmərəli şəkildə həyata keçirilməsini təmin etmək məqsədilə birgə işçi qrupunun yaradılması nəzərdə tutulur.
"Hraparak": Bakı və Qarabağın inteqrasiyasına mane olmayın
Azərbaycan XİN Ermənistan XİN-in 24 iyun tarixli bəyanatına dair şərh yayımlayıb. Bu barədə "Hraparak" nəşri xəbər verib.
"Ermənistan tərəfinin təxribatından sonra Azərbaycanın həyata keçirdiyi təhlükəsizlik və istintaq tədbirləri ilə əlaqədar Laçın sərhəd-buraxılış məntəqəsinin fəaliyyətinin müvəqqəti olaraq məhdudlaşdırılmasının "blokada və etnik təmizləmə" kimi təqdim edilməsi Ermənistanın saxta təbliğatının tərkib hissəsidir". Bu fikirlər Azərbaycan XİN-in yayımladığı məlumatda yer alıb.
Nazirlik həmçinin bildirib ki: "Qeyd edilənlərlə yanaşı, erməni sakinlərin "hüquq və təhlükəsizliyi" məsələsindən sui-istifadə edilməsi səyləri qəbuledilməzdir. Azərbaycan tərəfi erməni sakinlərin reinteqrasiyası istiqamətində səy göstərir və Ermənistan tərəfinin müxtəlif bəhanələrlə prosesə müdaxiləsinə, habelə destruktiv şəkildə maneçilik törətməsinə son qoyulması zəruridir".
"Daryo.uz": Türkmənistan Azərbaycan və Türkiyə ilə ticari-iqtisadi əməkdaşlıq haqqında üçtərəfli sazişi ratifikasiya edib
"Daryo.uz" xəbər saytı Türkmənistan parlamentinin Türkmənistan, Azərbaycan və Türkiyə hökumətləri arasında 2022-ci ilin dekabrında Avazada imzalanmış ticari-iqtisadi əməkdaşlıq haqqında sazişi ratifikasiya etməsiylə bağlı xəbər yayımlayıb. Spiker Dünyagözəl Gülmanova hökumətin iclasında bildirib ki, qanun parlamentin yeddinci sessiyasının ikinci iclasında təsdiqlənib.
Türkmənistanın neft-qaz sektorundan "Daryo.uz"yə verilən məlumata görə, Türkmənistan, Azərbaycan və Türkiyə prezidentləri Sərdar Berdiməhəmmədov, İlham Əliyev və Rəcəb Tayyib Ərdoğanın Avazada keçirilən görüşündə enerji sektoru üzrə Anlaşma Memorandumu da imzalanıb.
Sənəd türkmən qazının Avropaya çatdırılması üçün yol xəritəsinin hazırlanması məqsədilə üçtərəfli işçi qrupunun yaradılmasını nəzərdə tutub. Həmçinin yazıda qeyd olunub ki, geosiyasi baxımdan mürəkkəb Trans-Xəzər qaz kəməri layihəsi gündəmdədir. Onun uzunluğunun 300 km, illik gücünün 30 milyard kubmetr qaz olması planlaşdırılır.
S.Berdiməhəmmədov sammitdə
