“Anadolu Agentliyi”: Azərbaycan Prezidenti Qarabağda Rusiyanın Tatarıstan vilayətinin rəisi ilə görüşüb
Azərbaycan Prezidenti İlham Əliyev iyunun 17-də Qarabağda Rusiyanın Tatarıstan vilayətinin rəisi Rüstəm Minnixanov ilə görüşüb. Bu barədə Anadolu Agentliyi məlumat yayıb. Məlumatda qeyd edilib ki, Minnixanovu Zəngilan Beynəlxalq Hava Limanında Azərbaycanın Rusiyadakı səfiri Polad Bülbüloğlu və Zəngilan rəsmiləri qarşılayıblar.
O, Azərbaycanın İkinci Qarabağ müharibəsində erməni işğalından azad edilmiş rayonlarında yaratdığı ilk yaşayış məntəqəsi olan Ağalı kəndinə gedib və Prezident İlham Əliyevlə görüşüb.
İlham Əliyev Tatarıstanın regionlara qoyduğu investisiyalara görə Minnixanova təşəkkürünü bildirib. Tatarıstan və Azərbaycan xalqlarının əsrlər boyu dostluq və qardaşlıq münasibətləri olduğunu qeyd edən Əliyev bunun Rusiya ilə Azərbaycan arasında əlaqələrin möhkəmlənməsinə də töhfə verdiyini deyib. Minnixanov bildirib ki, azərbaycanlılarla tatarlar dil və tarix baxımından çox yaxındır. Əliyev və Minnixanov daha sonra Cəbrayıl rayonuna gedərək Araz Sənaye Parkında Tatarıstan və Azərbaycanın birgə vəsaitilə istehsal olunmuş yük maşınları və kənd təsərrüfatı texnikalarına texniki xidmət göstərəcək "Auto Leasing Azerbaijan" şirkətinin işi ilə tanış olublar.
“Star”: Möhtəşəm Türk həmləsi! "Turan yolu" regionda balansı dəyişəcək
"Turan yolu da adlandırılan Zəngəzur dəhlizinin istifadəyə verilməsi ilə Orta Dəhlizin daşıma qabiliyyəti artacaq" . Bu fikirləri Star xəbər saytı Türkiyənin nəqliyyat və infrastruktur naziri Abdulkadir Uraloğluya istinadən yayıb. Nazirin sözlərinə görə, Zəngəzur dəhlizi Cənubi Qafqazda iqtisadi əməkdaşlığın inkişafı üçün yeni imkanlar yaradacaq, habelə Orta Dəhlizin dəmir və avtomobil yolları ilə daşıma qabiliyyəti artacaq ki, bu da Pekindən Londona qədər uzanan Şərq-Qərb arasında ticarət dövriyyəsinin artmasına müsbət təsir göstərəcək. Uraloğlu bildirib ki, xəttin Ermənistanla sərhədə qədər olan hissəsinin tikintisi davam edir və Horadizdən Naxçıvanın Ordubad rayonuna qədər 166 kilometr uzunluğunda yeni dəmir yolu inşa ediləcək. Zəngəzur rayonundan keçəcək xəttin 43 kilometrlik Ermənistan hissəsinin tikintisi ilə bağlı Azərbaycan və Rusiya arasında danışıqların aparılacağını deyən Uraloğlu dəmir yolu xətti ilə paralel olaraq, yerüstü avtomobil xətlərinin istifadəyə veriləcəyini bildirib. Onun sözlərinə görə, Mərkəzi Asiya, Xəzər regionu, Azərbaycan və Ermənistanı Türkiyə ilə birləşdirən Zəngəzur dəhlizi sosial-iqtisadi, geosiyasi və geostrateji xüsusiyyətlərə malikdir və buna görə də Rusiya, Azərbaycan, Türkiyə və Ermənistan arasında dəmir yolu şəbəkəsinin genişləndirilməsi regional dekommunizasiyaya müsbət təsir göstərəcək.
“NE Global”: Enerji təchizatı nəhəngləri Azərbaycan və Qazaxıstan yaşıl iqtisadiyyat variantlarını müzakirə edirlər
NE Global xəbər saytı Azərbaycanın energetika naziri Pərviz Şahbazovun müsahibəsini yayımlayıb. Sözügedən yazıda qeyd edilib ki, Azərbaycan Avropaya ənənəvi enerji mənbələrinin etibarlı ixracatçısı olmaqla, həmçinin bərpaolunan enerji layihələrini də inkişaf etdirməyi planlaşdırır.
"Biz qalıq yanacaqların ənənəvi istehsalçısı və ixracatçısıyıq və indi bərpaolunan enerji mənbələrini də istehsal edəcəyimiz yeni mərhələyə daxil oluruq. Keçmişdə əldə etdiyimiz ən yaxşı təcrübələrə uyğun olaraq, indi müzakirə edir və Azərbaycanda mövcud olan artıq bərpaolunan enerji mənbələrini nəql etmək yollarını axtarırıq", - deyə Şahbazov iyunun 9-da Astana Beynəlxalq Forumu çərçivəsində çıxış edərkən bildirib.
O, həmçinin əlavə edib ki, Azərbaycanın quruda və dənizdə son dərəcə böyük həcmdə bərpaolunan enerji mənbələri var və təbii ki, ölkə daxilindəki bu mənbələrdən nə qədər çox istifadə edilərsə, ixrac üçün bir o qədər çox təbii qazımız olur.
Azərbaycan və Qazaxıstan öz yaşıl iqtisadiyyat imkanlarını fəal şəkildə araşdırırlar. "Düşünürəm ki, birinci mərhələdə Qazaxıstan və Azərbaycan daxili tələbatı təmin etməyə çalışır və bundan sonra bəlkə də bərpaolunan enerji mənbələrinin enerji ixracı üçün birgə işlənməsi məsələsi ortaya çıxacaq", - deyib Azərbaycanın energetika naziri Qazaxıstanın paytaxtı Astanada.
Azərbaycan və Qazaxıstan artıq Xəzərin dibi ilə yüksəkgərginlikli kabel
