Vətən müharibəsi xalqın öz ordusuna inamının, sevgisinin nümayişi, Azərbaycan hərbçisinin rəşadəti, qarşısına qoyulan bütün döyüş tapşırıqlarını şərəflə, dəqiqliklə yerinə yetirməsinin ifadəsidir. Bu Qələbəni şərtləndirən əsas amillərdən biri xalqımızın Azərbaycan Ordusunun qüdrətinə inamı idi. Eyni zamanda, bütün dünya yeni əsrin müharibəsini aparmış ordumuzun gücünü, peşəkarlığını və öz tarixi missiyasını uğurla reallaşdırmaq iqtidarında olduğunu gördü. Vətən müharibəsinə qədərki dövr ərzində ölkə başçımız və müzəffər ordumuz daim xalqa stimul verirdi. Azərbaycanın həyata keçirdiyi əks-hücum əməliyyatları zamanı soydaşlarımızın qəlbindəki yurd həsrəti daha bir az əriyirdi.
Həmin dövr ərzində baş vermiş Aprel döyüşləri və Naxçıvan əməliyyatı bir daha onu göstərir ki, Azərbaycan xalqı və dövləti heç vaxt işğalla barışmayacaq və öz ərazi bütövlüyünü istənilən yolla bərpa edəcək. Aparılan əməliyyatlar zamanı təkcə Naxçıvanda 11 min hektar torpağa tam nəzarəti bərpa etdik. Naxçıvanın 1990-cı illərin əvvəllərində ermənilər tərəfindən zəbt edilmiş 11 min hektar torpağı Naxçıvan Əlahiddə Ümumqoşun Ordusu tərəfindən aparılmış uğurlu əməliyyat nəticəsində azad edildi. Çox böyük mühəndislik və kəşfiyyat işləri aparıldı. Naxçıvan əməliyyatı yüksək məharətlə, peşəkarlıqla həyata keçirildi. Azərbaycan hərbçisi bir daha qəhrəmanlıq, rəşadət göstərdi. Naxçıvan əməliyyatı bir daha onu göstərdi ki, Azərbaycan Ordusu güclü ordudur. Azərbaycan əsgəri, zabiti, generalı əsl qəhrəmanlıq, peşəkarlıq, rəşadət göstərərək Azərbaycan xalqının bu işğalla barışmayacağını göstərmişdir. Bununla yanaşı, Ermənistan tərəfindən onların ordusu ilə bağlı uzun illər ərzində yayılan nağıllar və miflər darmadağın edildi. Rəşadətli Azərbaycan ordusu onların illər boyu yaratdıqları dırnaqarası möhkəm müdafiə xəttini bir neçə gün ərzində yararaq məhv etdi.
Prezident İlham Əliyevin 2018-ci ildə Azərbaycan Silahlı Qüvvələrinin 100 illiyi münasibətilə keçirilən təntənəli hərbi paradda əminliklə bəyan etdiyi fikirlər bizə gələcəkdən xəbər verirdi: "Gün gələcək və bu gün işğal altındakı torpaqlar azad olunandan sonra orada qaldırılacaq Azərbaycan Bayrağı Azadlıq meydanına gətiriləcək və hərbi paradda göstəriləcək. Biz bu müqəddəs günü yaxınlaşdırmalıyıq və yaxınlaşdırırıq". Həmin paradda 2016-cı ilin Aprel döyüşlərində, 2018-ci ilin Günnüt əməliyyatında işğalçılardan azad edilmiş torpaqlarda qaldırılan Azərbaycan Bayrağı Azadlıq meydanında nümayiş etdirildi. Daha sonra isə 2020-ci ilin 10 dekabr tarixində keçirilən Zəfər paradında ölkə başçımızın səsləndirdiyi fikirlər reallığa çevrildi. Tarix boyu bu meydanda keçirilən paradlardan fərqli olaraq Zəfər yürüşümüzün öz müqəddəs yeri var: "Bu, Zəfər paradıdır. Demişdim ki, gün gələcək və bu gün işğaldan azad edilən torpaqlarda qaldırılan Azərbaycan Bayrağı Azadlıq meydanına gətiriləcək və bu gün gəldi. Bu tarixi günün şahidi bizik, Azərbaycan xalqıdır. Biz bundan sonra ancaq və ancaq irəli gedəcəyik".
Hərbçilərlə mütəmadi görüşlər əsnasında Ali Baş Komandan həmişə deyirdi ki, gün gələcək biz öz doğma torpağımıza qayıdacağıq, ərazi bütövlüyümüzü bərpa edəcəyik. Belə də oldu. Azərbaycan öz ərazi bütövlüyünü, tarixi ədaləti döyüş meydanında təmin etdi. İkinci Qarabağ müharibəsi Azərbaycanın tam Qələbəsi ilə nəticələndi. Dövlətimizin başçısı 2021-ci il iyunun 26-da Silahlı Qüvvələr Günü münasibətilə Azərbaycan Ordusunun rəhbər və şəxsi heyətinin bir qrupu ilə görüşündə bu barədə danışarkən qeyd edirdi ki, Silahlı Qüvvələr Gününü müzəffər Ordu kimi, qalib xalq kimi qeyd edirik.
Ermənistan 30 il ərzində işğalda saxladığı Azərbaycan torpaqlarında urbisid həyata keçirib, mədəni-tarixi irsimizi məhv edib, qanunsuz məskunlaşma aparmışdır. Dünyanın hər bir nöqtəsindən azad edilmiş ərazilərə dəvət edilən rəsmilər, diplomatlar, ekspertlər, jurnalistlər erməni vandalizmini, vəhşiliyini öz gözləri ilə görərək, heyrətlərini gizlətmirlər. Hətta müharibələr görmüş jurnalistlər, fotoqraflar belə vəhşiliklə ilk dəfə qarşılaşdıqlarını etiraf edirlər. Məhz buna görə əsgər və zabitlərimiz ürəklə, həvəslə ölümü belə, göz ardına
