Dövlət Statistika Komitəsinin son məlumatına görə, 2023-cü ildə ölkədə 123,0 milyard manatlıq və ya əvvəlki illə müqayisədə 1,1 faiz çox Ümumi Daxili Məhsul (ÜDM) istehsal olunmuşdur.  İqtisadiyyatın qeyri-neft-qaz sektorunda əlavə dəyər 3,7 faiz artmışdır.

ÜDM istehsalının 40,5 faizi sənaye, 10,0 faizi ticarət; nəqliyyat vasitələrinin təmiri, 6,2 faizi nəqliyyat və anbar təsərrüfatı, 6,2 faizi tikinti, 5,5 faizi kənd təsərrüfatı, meşə təsərrüfatı və balıqçılıq, 2,2 faizi turistlərin yerləşdirilməsi və ictimai iaşə, 1,7 faizi informasiya və rabitə sahələrinin, 18,6 faizi digər sahələrin payına düşmüşdür. Məhsula və idxala xalis vergilər ÜDM-in 9,1 faizini təşkil etmişdir.

Əhalinin hər nəfərinə düşən illik  ÜDM 12114,5 manata bərabər olmuşdur.

“Respublika”.